• राजपा र नयाँ शक्तिको प्रतिक्रिया

    Reporter: Becoming Kishor
    Published: Sunday, May 14, 2017
    A- A+
    राष्ट्रिय जनता पार्टीका नेता राजेन्द्र महतोले पहिलो चरणको निर्वाचन भएकोप्रति कुनै प्रतिक्रिया नभएको भन्दै दोस्रो चरणको निर्वाचनमा आफूहरूको चासो रहेको बताए । ‘२० वर्षपछि पहिलो चरणको निर्वाचन भयो, तर यसमा हाम्रो कुनै प्रतिक्रिया छैन,’ महतोले भने, ‘हामीलाई केही ठाउँमा भाग लिनबाट वञ्चित गरियो । अब मधेस आन्दोलनको जायज माग पूरा गरिनुपर्छ । संविधान संशोधनको विषय, जनसंख्याका आधारमा स्थानीय तहको संख्या बढाउने, मुद्दा फिर्ताजस्ता काम गरेर दोस्रो चरणको निर्वाचनलाई सफल बनाउन लाग्नुपर्छ ।’


    नयाँ शक्ति नेपालका संयोजक बाबुराम भट्टराईले स्थानीय तहको पहिलो निर्वाचनलाई ऐतिहासिक भनेका छन् । गोरखामा मतदान गरेपछि सामाजिक सञ्जाल फेसबुकमा स्टाटस राख्दै भट्टराईले स्थानीय तहको निर्वाचन समृद्ध नेपाल निर्माणको आधार बनोस् भन्ने प्रतिक्रिया व्यक्त गरेका छन् ।

    Subjects:

  • No Comment to " राजपा र नयाँ शक्तिको प्रतिक्रिया "